లక్ష్మీ బాంబులు వద్దు..

దీపావళి సందర్భంగా లక్ష్మీ పూజలు జరుపుతాం.. సిరి సంపదలు, శుభం చేకూరాలని అమ్మవారిని కోరుకుంటాం.. కానీ దురదృష్టవశాత్తు తెలిసో తెలియకో లక్ష్మీదేవికి మనం అపచారం చేస్తున్నాం.. అది టపాసుల రూపంలో..

లక్ష్మీ బాంబు అందరికీ తెలసే ఉంటుంది.. దాదాపు అన్ని టపాకాయల కంపెనీలు ఈ బ్రాండు టపాసును తయారు చేస్తున్నాయి.. కానీ అమ్మవారి రూపాన్ని మనం టపాకాయ పేరిట పేల్చేస్తున్నాం అనే ఆలోచన ఎవరికీ కలగడం లేదు.. దయచేసి మీ దీపావళి టపాకాయల మెనూలో లక్ష్మీ బాంబును చేర్చకండి.. ఒక లక్ష్మీ బాంబు మాత్రమే కాకుండా అన్ని మతాల దేవతా చిహ్నాలు ఉన్న టపాకాయలను కూడా నిషేదిద్దాం.. మనోభావాలను కాపాడుకుందాం..