ఇవాళ తండ్రుల దినం (father's day) అట.. ఒకటే గ్రీటింగుల హడావుడి.. మిత్రులారా.. క్షమించాలి.. ఇలాంటి దినాలు మన సంప్రదాయం కాదు.. విడాకులు, కలిసి ఉండే సంస్కృతి అధికంగా ఉండే పాశ్చాత్య దేశాల్లో తమ తండ్రి ఎవరో తెలియని పిల్లలు ఉంటారు.. అసలు తండ్రి లేదా పెంపుడు తండ్రితో ప్రేమానుబంధాలు ఏర్పరిచే లక్ష్యంతో పుట్టుకొచ్చిందే 'తండ్రుల దినం'.. వయసొచ్చిన పిల్లలు పెంచి పెద్ద చేసిన తల్లిదండ్రులను వృద్ధాశ్రమాలకు తరలిస్తారు.. ఇలాంటి దినాల సందర్భంగా అక్కడకకు వెళ్లి బహుమతులు ఇచ్చి మొక్కుబడి ప్రేమను ప్రదర్శించి రావడం మరో ఆచారం..
తల్లిదండ్రులను పూజించడం, గౌరవించడం అనాదిగా మన సంస్కృతిలోనే ఉంది.. మరి మనకెందుకీ పాశ్చాత్య దిక్కుమాలిన దినాలు..
'మాతృ దేవో భవ, పితృ దేవో భవ, ఆచార్య దేవో భవ' అని మన పెద్దలు చెబుతారు.. తండ్రులను ఈ ఒక్కరోజే కాదు.. ప్రతిరోజూ గౌరవించండి..
బిహార్ విద్యాశాఖ మంత్రి డాక్ట‌ర్‌ అశోక్ చౌదరి తన కుసంస్కారాన్ని బయట పెట్టుకున్నాడు.. ఏకంగా కేంద్ర మానవ వ‌న‌రుల శాఖ మంత్రి స్మృతి ఇరానీనే అవ‌మానించి, ఆమె ఇచ్చిన స‌మాధానంతో ఖంగుతిన్నాడు.. ట్విట్ట‌ర్‌లో త‌న‌ను డియ‌ర్ అంటూ సంబోధించ‌డాన్ని ఆమె త‌ప్పు ప‌ట్టారు.. స్మృతి ఇరానీ మాత్రం ఆద‌ర‌ణీయ అంటూ బ‌దులిచ్చారు.. నూత‌న విద్యా విధానంపై చౌదురి వేసిన ప్ర‌శ్న‌ల‌కు ఆమె స్పందిస్తూ ముందు మీ రాష్ట్రంలో ఖాళీగా ఉన్న రెండు ల‌క్ష‌ల ఉపాధ్యాయుల పోస్టుల‌ను భ‌ర్తీ చేయండి అంటూ చుర‌క‌లంటించారు. విద్యా విధానం ముసుగులో ప్రధాని మోదీ, సంఘ్‌ల‌ను విమ‌ర్శించ‌డానికి అశోక్ చౌదరి ట్విట్ట‌ర్‌ను వేదికగా వాడుకొని భంగ‌ప‌డ్డాడు
జమ్మూ కాశ్మీర్ ముఖ్యమంత్రి మహబూబ్ మూఫ్తీ శ్రీనగర్ సమీపంలోని ఖీర్ భవానీ అమ్మవారికి ప్రత్యేక పూజలు జరిపారు.. కాశ్మీర్ పండిట్లు లోని కాశ్మీరం అసమగ్రం అని, వారిని తిరిగి లోయలోకి రప్పించి పునరావాసం కల్పించేందుకు అన్ని రకాలుగా కృషి చేస్తానని ఆమె అంటున్నారు.. కాశ్మీర్లో అన్ని రకాల సమస్యలు తొలగి తిరిగి సంతోషం వెల్లివిరియాలని మహబూబా ఆకాంక్షించారు..
దుర్గామాత అవతారమైన ఖీర్ భవానీ కాశ్మీరీ పండిట్ల ఆరాధ్య దేవత.. కాశ్మీర్లో ఉగ్రవాదం వెర్రితలలు వేసి, పండిట్లను లోయ నుండి తరిమేసినా, ప్రతిఏటా జరిగే భవానీ అమ్మవారి వార్షిక వేడుకలకు వారు క్రమం తప్పకుండా హాజరు ఆనవాయితీగా వస్తోంది..
జమ్మూ కాశ్మీర్లో బీజేపీ-పీడీపీ ప్రభుత్వం ఏర్పాటు తర్వాత అక్కడి పరిస్థితిలో మార్పు వస్తోంది.. కాశ్మీరంలో ఉగ్రవాద ఘటనలు తగ్గుముఖం పట్టి, తిరిగి జాతీయ జనజీవన స్రవంతిలో చేరదాన్ని మనం త్వరలో చూడవచ్చు..
ప్రపంచంలో జనాభా పరంగా రెండో అతి పెద్ద దేశం మనది.. మూడో అతిపెద్ద మతం హైందవం.. కోట్లాది మంది భారతీయులు, హిందువుల విశ్వాసాలను అవమానించింది అమెజాన్ కంపెనీ..
గణనాథుని చిత్రాలతో ఉన్న డోర్ మాట్లను ఆన్ లైన్ లో అమ్మకానికి పెట్టింది.. అమెజాన్ కంపెనీ ఇదే దుస్సాహసాన్ని అన్యమత దైవాలతో ప్రదర్శించగలదా?..
గతంలో కొన్ని దేశాల్లో హిందూ మత విశ్వాసాలతో ఇదే రకంగా వ్యవహరించిన ఘటనలు జరిగాయి.. మనలో ఐక్యత, చీము నెత్తురు లేక పోవడం వల్ల ఇంకా జరుగుతూనే ఉంటాయి..
నేను నేటి నుండి అమెజాన్ ఆన్ లైన్ కొనుగోళ్లను బహిష్కరిస్తున్నాను.. మీరంతా ఇదే మార్గంలో నడవాలని కోరుకుంటున్నాను.
