భోగి మంటలు.. భోగ భాగ్యాలు..

సంక్రాంతి ముందు రోజు వచ్చేదే భోగి పండుగ.. భోగి పండుగ తెల్లవారు ఝామునే మంటలు వేస్తారు.. అసలు భోగి మంటలు ఎందుకు వేయాలి? భోగి మంటల్లో పాత వస్తువులు వేయడం తప్పు కదా?

సంక్రాంతి ముందు రోజున సూర్యుడు ఉత్తరాయణంలోకి రావడాన్ని స్వాగతిస్తూ భోగి జరుపుకుంటారు.. సంక్రాంతి రోజుల్లో చలి తీవ్రత అధికంగా ఉంటుంది.. చలిని వదిలించుకొని, చైతన్యం తెచ్చుకోవడానికి భోగి మంటలు వేయడం ఆచారంగా వచ్చింది..

భోగి మంటల్లో ఒకప్పుడు తాటాకులు, పాత సామాను, కర్రలు వేసేవారు.. కానీ ఇప్పుడు టైర్లు, కిరోసిన్, ప్లాస్టిక్ వస్తువులు సైతం వేస్తున్నారు. ఇది చాలా పెద్ద తప్పు.. పర్యావరణానికి చాలా చేటు చేస్తోంది.. ఆవు పేడతో చేసిన పిడకలు, మామిడి, రావి, మేడి కర్రలను ఇతర ఔషధ మొక్కలను భోగి మంటల్లో వేస్తే వాతావరణ కాలుష్యాన్ని నివారించవచ్చు.. పైగా ఈ మంటలతో వచ్చే వాయువులు ఆరోగ్యానికి కూడా మేలు చేస్తాయి.. అందరికీ భోగి శుభాకాంక్షలు..