సీఎం..ఆంధ్ర ప్రదేశ్ కా? సీమాంధ్రకా?

నల్లారి కిరణ్ కుమార్ రెడ్డి ఆంధ్రప్రదేశ్ రాష్ట్రానికి ముఖ్యమంత్రి అన్న నా భ్రమ తొలగిపోయింది.. వారు సీమాంధ్రకు వకాలతు పుచ్చుకున్న ప్రతినిధి అని తేలిపోయింది..
ముఖ్యమంత్రిగారు సమైక్యాంధ్ర పేరిట తెలంగాణ వాదంపై విషయం కక్కడం ఆశ్చర్యమనిపించలేదు.. ఎందుకం
టే ఆయన మొదటి నుండి తెలంగాణ రాష్ట్ర ఏర్పాటును వ్యతిరేకిస్తూనే ఉన్నారు.. తెలంగాణ వస్తే నక్సలిజం సమస్య మొదటికొస్తుందని సోనియాగాంధీ, కాంగ్రెస్ అధిష్టానం దగ్గర వాదించారు.

కాంగ్రెస్ అధిష్టానం తెలంగాణ ఇచ్చేయాలని స్పష్టమైన నిర్ణయం తీసుకున్నాక 9 రోజులు మీడియా ముందుకు, ప్రజల ముందుకు రాలేదు.. గురువారం రాత్రి మీడియా ముందు మట్లాడిన తీరు ఆశ్చర్యాన్ని కలిగించింది.. ఎందుకంటే అందులో చాలా వరకు వాస్తవ దూరమైన (అబద్దాలు అనడం అన్ పార్లమెంటరీ కదా..) అంశాలే..
సీఎం గారు మీడియా ముందు మట్లాడిన ఉదయమే తిరుపతిలో ఆయన మద్దతు దార్లు డాన్సులు చేసి పండుగ చేసుకోవడం టీవీల్లో చూశాను.. సీమాంధ్ర సింహం, సమైక్యాంధ్ర పరిరక్షకుడని కిరణ్ గారికి బిరుదులు కూడా తగిలించారు.. దీని భావమేమిటి తిరుమలేశా..రాష్ట్ర విభజన సమయంలో ఇరుపక్షాల మధ్య సంధానకర్తగా, హుందాగా వ్యవహరించాల్సిన సీఎం గారు ఏకపక్షంగా తెలంగాణనే వ్యతిరేకిస్తున్నారు..
కాంగ్రెస్ పార్టీ సభ్యుడైన ముఖ్యమంత్రి కిరణ్ కుమార్ రెడ్డి గారు సొంత అధిష్టానం నిర్ణయాన్నే వ్యతిరేకిస్తున్నారు.. దీన్ని ఎలా అర్థం చేసుకోవాలంటారు.. లగడపాటి గారి ఈ స్టార్ బ్యాట్స్ మాన్ పోరాటం తెలంగాణపైనా? కాంగ్రెస్ అధినేత్రిపైనా?