పుష్కరాలకు ఆలయాలు అడ్డంకా?

పుష్కర స్నానం చేశాక దేవున్ని మొక్కుకోవడం ఆచారం.. కానీ కృష్ణా పుష్కరాల పేరిట దేవుళ్ల ఆలయాలనే కూల్చేస్తే?

అసలు విజయవాడలో జరుగుతున్నది ఏమిటి? ఆలయాలను ఇంత దారుణంగా కూల్చేస్తారా?.. ఆలయాలను బుల్డోజర్లతో కూల్చి దేవతా విగ్రహాలను నిర్లక్ష్యంగా పడేశారు.. చెప్పు కాళ్లతో తొక్కారు?.. ఒకవేళ అభివృద్ధి పనుల కోసమే కూల్చివేశామని సమర్ధించుకుంటే కేవలం ఆలయాలనే ఎందుకు కూల్చేశారు? ఇది ఏ రకమైన అభివృద్ది?..

మనం స్వతంత్ర భారత దేశంలో ఉన్నామా? లేక ఇంకా మధ్య యుగంలో మగ్గిపోతున్నామా? మెజారిటీ ప్రజలైన హిందువుల మనోభావాలు పాలకులకు పట్టవా? సీఎం చంద్రబాబు నాయుడు ఏం చేస్తున్నారు? ఆయనకు తెలిసే జరిగిందా? లేక తెలిసీ తెలియనట్లు నటిస్తున్నారా?  అందునా దేవాదాయ శాఖ మంత్రి స్వయాన భాజపా వారే.. ఈ విషయంలో కనీసం ఆయన అయినా స్పందించకపోతే ఎలా?.. తక్షణం ఆలయాలను తిరిగి నిర్మించి పాప ప్రక్షాళన చేసుకోవాలి..