ప్రెసిడెంట్ ట్రంపు.. కొందరికి ఇంపు.. అందరికీ కంపు..

అమెరికా అధ్యక్షునిగా బాధ్యతలు చేపట్టగానే తన ముద్రను చూపిస్తున్నారు డొనాల్డ్ ట్రంప్.. ముఖ్యంగా తీవ్రవాదాన్ని కట్టడి చేస్తానంటూ ఏడు ముస్లిం దేశాల శరణార్థులపై వేటు, హెచ్ 1బీ ఉద్యోగాలపై ఆంక్షలు.. ఈ రెండు చర్యలను ఏక కాలంలో సమర్ధించడం కష్టమే..

అదే సమయంలో ఉగ్రవాదుల స్వర్గధామమైన పాకిస్తాన్ పై ఎలాంటి ఆంక్షలు విధించడంలో జాప్యం..

అమెరికా జాతీయ భద్రత కోణంలో ట్రంప్ తీసుకుంటున్న చర్యలను గుడ్డిగా సమర్ధించాల్సిన అవసరం లేదు.. ముందస్తు వ్యూహం లేకుండా చేపట్టిన ఇలాంటి దుందుడుకు చర్యలు అమెరికా శత్రువులను ఏకం చేస్తాయి..

స్వయంగా ఒక వలస దేశమైన అమెరికా వలసలను అడ్డుకుంటామని ప్రకటించడం హాస్యాస్పదం.. అమెరికాలోని పౌరులు, వారి పూర్వీకులు బతుకుతెరువు కోసం వచ్చిన వారే.. నేటివ్స్ అని గొప్పగా చెప్పుకుంటున్నవారంతా ఒకసారి అద్దంతో చూసుకొని తమ మూలాలను వెతుక్కోవాలి.. ట్రంప్ తో సహా.. అమెరికా వాడు ప్రపంచనంపై పెత్తనం చేయాలి.. కానీ వేరే దేశం వాడు అమెరికా రాకూడదు అంటే ఎలా సమర్ధించగలం?..

అన్ని రంగాల్లో దూసుకుపోతున్న భారత జాతీయులు అమెరికాలో బలంగా ఉనికి చాటుకుంటున్న తరుణంలో ట్రంప్ చర్యలు మన ప్రయోజనాలకు విఘాతం కలిగించేలా ఉన్నాయి..

ట్రంప్ ఇండియాకు మిత్రుడని చాలా మంది భ్రమల్లో ఉన్నారు.. కానీ భారతీయుల అవకాశాలను దెబ్బతీయడాన్ని ఎలా సహించగలం?.. 

ఏది ఏమైనా మెజారిటీ అమెరికన్లు ట్రంపును ఎన్నుకున్నారు.. వారితో పాటు ప్రపంచమూ ఇప్పుడు అనుభవిస్తోంది.. మీడియాతో సహా ప్రశ్నించే ప్రతి వారినీ బెదిరిస్తున్నాడు..

ట్రంపు మరీ కంపు అయితే ఎలా భరించగలం?