చిన్నప్పుడు నేను డ్రాయింగ్ బాగా వేసేవాన్ని..
ఆరో తరగతిలో అనుకుంటా మా మాస్టారు చెప్పారు.. ఫైన్ ఆర్ట్స్ కోర్సు చేయరా అని.. అది
మనసులో బాగా కూర్చుండిపోయింది.. కొంత కాలానికి అనుకున్నాను.. ఫైన్ ఆర్ట్స్ బదులు
బ్యాచిలర్ ఆఫ్ ఆర్ట్స్ (బీఏ) చేస్తే బాగుంటుంది కదా అని.. ఆర్ట్స్ చదివితే మంచి
ఆర్టిస్ట్ (చిత్రకారున్ని) అవుతానని అనిపించింది.. ఆ వయస్సులో నా అమాయకత్వం అలా
ఏడిచింది.. కానీ ఏడో తరగతి వచ్చే సరికి తత్వం బోధ పడింది..
ఇదంతా ఎందుకు చెప్పుకొస్తున్నానంటే.. అప్పట్లో నా
చిన్ని బుర్రకు ఫైన్ ఆర్ట్స్, బ్యాచిలర్ ఆఫ్ ఆర్ట్స్ తేడా తెలియదు.. ఇప్పుడూ
అంతే.. విజయవాడ వెస్ట్ ఎమ్మెల్యే జలీల్ ఖాన్ బ్యాచిలర్ ఆఫ్ కామర్స్ (బీకామ్)లో
ఫిజిక్స్ చదువుకున్నారట.. అదెలా చెప్మా?..
No comments:
Post a Comment