Wednesday, February 28, 2018

నాకు అది కావాలి అంతే..


‘ఏమండీ డైమండ్ రింగ్ కొనిస్తారా?’
‘డైమండ్ రింగ్ బదులు మరిన్ని బంగారు ఆభరణాలు చేయించుకోవచ్చు కదా?’
‘అయితే ఓకే.. డబ్బులు ఇవ్వండి..’
ఆయన గారు అప్పుడప్పుడూ డబ్బులు ఇస్తూ పోయారు.. ఈవిడేమో ఇతరత్రా ఖర్చు చేసింది.. చివరకో రోజు ఇచ్చిన సొమ్ముకు లెక్కలు అడగాడు.. ఆమె లెక్క చెప్పడం దేవుడెరుగు ఇంటి బయటకు వచ్చి రచ్చ చేసింది.. ‘నా మొగుడు ఖర్చులకు డబ్బులివ్వడం లేదు’ అని ఇకటే గోల..
ఇంకేం దారిన పోయే దానయ్య, పనీ పాటా లేని పుల్లయ్య, ఖాళీగా తిరిగే కనకయ్య, తిన్నది అరగని తిమ్మయ్య గుమి గూడారు.. ‘ఏమయ్యా ఆమె అడిగిన సొమ్ములు ఇవ్వొచ్చు కదయ్యా’ అంటాడు ఒకాయన.. ‘ఆమె ఏమైనా ఖర్చు చేసుకుంటుంది, నీకెందుకయ్యా’ అంటాడు ఇంకొకాయన.. ‘విడాకులు ఇచ్చేయి’ అని సలహా ఇస్తాడో తింగరోడు..
ఇది చదివినోళ్లు ఆలోచించుకోవచ్చు.. ఎక్కడో తగలినోళ్లు భుజాలు తడుముకోవచ్చు.. మీ ఇష్టం..

23.02.2018

No comments:

Post a Comment