అక్షయ తృతీయ అంటే ఇదేదో బంగారం కొనాల్సిన పండుగ రోజు అనే భ్రమ జనాల్లో ఏర్పడింది.. కొద్ది సంవత్సరాల క్రితం వరకూ తెలుగు వారికి ఈ తిధి గురుంచి పెద్దగా తెలియదు.. బంగారం, ఆభరణాల వ్యాపారుల ప్రకటనల పుణ్యమా అని అక్షయ తృతీయ అంటే అందరికీ ఈ భావన ఏర్పడింది..
మన పురాణాల ప్రకారం వైశాఖ శుద్ధ తృతీయ నాడు కృతయుగం ప్రారంభమైంది. ఈ రోజునే అక్షయ తృతీయ పేర్కొన్నారు. శ్రీమహా విష్ణువు పరశురాముని అవతారం ఎత్తింది ఈ రోజునే.. నరసింహ స్వామి ప్రహ్లాదున్ని అనుగ్రహించింది కూడా అక్షయ తృతీయ నాడే..
అక్షయ తృతీయ నాడు ఏదైనా శుభకార్యం మొదలు పెడితే అది నిర్విఘ్నంగా సాగుతుందని పెద్దలు చెబుతారు.. ఇందులో బంగారం కొనుగోలు, కొత్త ఇల్లు కట్టడం, స్థలం కొనుగోలు, బావి తవ్వకం, నూతన విద్యాభ్యాసం, పుస్తకావిష్కరణ తడితరాలున్నాయి.. ఇవన్నీ వదిలేసి బంగారం కొనాలనే అంశమే ప్రాచుర్యం పొందింది.
బంగారం కొనే స్థోమత ఉంటేనే కొనండి.. ఇందుకోసం అప్పులు చేసి ఇబ్బంది పడాల్సిన అవసరం లేదు.. అక్షయ తృతీయ రోజున భగవంతునికి భక్తి పూర్వకంగా దండం పెట్టుకుంటే అదే పదివేలు..
No comments:
Post a Comment