ఇదేం ఫ్యాక్షన్ సంస్కృతి?

వందల కొద్ది జీపులు, సుమోలు, క్వాలీస్ బండ్లు రోడ్ల మీద రయ్యిన దూసుకుపోవడం.. ఆ వాహనాల్లో ఆయుధాలు ధరించిన వ్యక్తులు కిటికీల్లోంచి సగం శరీరాలు బయటకు పెట్టి ఆహాకారాలు చేయడం.. సవాళ్లు విసరడం లాంటి దృశ్యాలను సీమ ఫ్యాక్షన్ నేపథ్యంలో వచ్చిన పలు సినిమాల్లో చూసే ఉంటాం.. మళ్లీ దృశ్యాలను చూసే అవకాశం టీడీపీ, వైఎస్సార్సీపీ పార్టీలు కల్పించాయి. ఇటీవల ఈ రెండు పార్టీల అధినేతలు వరంగల్, నిజామాబాద్ జిల్లాల్లో తలపెట్టిన కార్యక్రమాలకు తరలి వెళ్లిన తీరు ఇలాగే ఉంది.. తెలంగాణా వాదుల నిరసనలు, అడ్డగింపుల నుండి కాపాడుకునేందుకు ఏర్పాటు చేసుకున్న ప్రయివేటు సైన్యాలను చూస్తుంటే మనం ప్రజాస్వామ్యంలోనే ఉన్నామా అనే అనుమానం కలుగుతోంది. సాధారణంగా నిరసనకారులకు అధికార పార్టీ భయపడాలి.. కానీ రెండు ప్రధాన ప్రతిపక్షాల నేతలు ఇంతగా భయపడే రీతిలో ప్రయివేటు రక్షణ కల్నించుకోవాల్సి అవసరం మొచ్చింది? తెలంగాణపై దాగుడు మూతలు ఆడకుండా స్పష్టమైన వైఖరి అవలంభిస్తే ఈ కష్టాలు ఉండేవా? తెలంగాణ ప్రాంతంలో ఈ రెండు పార్టీలు సభలు, దీక్షలు చేపట్టే స్వేచ్చనే ప్రశ్నించడం నా ఉద్ధేశ్యం కాదు..