కనిమొళి మతి చెడిందా?

డీఎంకే అధినేత కరుణానిధి కూతురు కనిమొళి తిరుపతి వెంకటేశ్వర స్వామిపై చేసిన వ్యాఖ్యలు నాకు వింతగా ఏమీ అనిపించలేదు, కొత్తగా ఆగ్రహం కూడా కలగలేదు..

రాక్షసులకు ఎలాగూ దేవతలు అంటే గిట్టదు.. ఎప్పుడూ ద్వేషిస్తుంటారు.. పాపం పండిన తర్వాత ఫలితం అనుభవిస్తారు.. ఇది పురాణాల్లో మనం చూసిన సత్యమే కదా.. వెంకన్న స్వామితో పెట్టుకుంటే ఏం జరుగుతుందో మన తెలుగు వారికి కొత్తగా ఎవరూ గుర్తు చేయాల్సిన అవసరం లేదు అనుకుంటా..

ద్రవిడ - నాస్తిక వాదాలు అవిభక్త కవల పిల్లల్లాంటివి.. తమిళనాట ఈ సంకుచిత వాద సిద్ధంతకర్త పెరియర్ రామస్వామి నాయకర్.. ఇక్కడ ఆయన గురుంచి చెప్పుకోవడం అప్రస్తుతం.. కానీ కమ్యూనిస్టు పార్టీ లాగే చీలికలు పేలికలు అయిన ద్రవిడ పార్టీల నాయకులంతా తామే అసలైన పెరియార్ వారసులం అంటూ చెప్పుతున్నారు. ద్రవిడ వాదం ముసుగులో వారు చేస్తున్న అరాచకాలను కొత్తగా చెప్పాల్సిన అవసరం లేదు..
ఈ ద్రవిడ పార్టీలకు పెద్దన్న డీఎంకె.. దీనికి నాయకత్వం వహిస్తున్న కరుణానిధి డీఎంకెను ఏనాడో కుటుంబ పార్టీగా మార్చేశాడు. అవకాశవాద, ఊసరవెల్లి రాజకీయాలకు కేరాఫ్ అడ్రస్ ఈ పెద్దాయన.. అవకాశాన్ని బట్టి యూపీఏ, ఎన్డీఏ కూటమిల మధ్య దోబూచులాట ఆయన విధానం.. రామసేతు విషయంలో రాముడు ఏ యూనివర్సిటీలో ఇంజినీరింగ్ చదివాడు అని ఎక్కసెక్కాలు ఆడాడు ఈ గడసరి ముసలి..
కనిమొళి ఈరోజున తానో అస్తికురాలిని అని ఫోజు కొడుతోంది.. కానీ ఇంట్లో మాత్రం పూజలు, పునస్కారాలు చేస్తుంది.. కరుణానిధి అనారోగ్యంతో ఉన్నప్పుడు, కనిమొళి 2జీ స్కామ్ లో ఇరుక్కొని జైలుకు పోయినప్పుడు వారి కుటుంబ సభ్యులు గుడులు, గోపురాలు తిరగడం వాస్తవం కాదా?
కరుణానిధి కుటుంబం గతంలో శ్రీవారిని దర్శించుకుకోవడం వాస్తవం కాదా?.. వేదపండితులు ఆయనను ఆశీర్వదించడం ఏ నాస్తికవాదం?.
కరుణానిధి కుటుంబ పూర్వీకులు ఒకప్పుడు తెలుగు నేల నుంచి వలస పోయిన వారే.. కొత్త మతం పుచ్చుకున్న వాడికి ఊపు ఎక్కువ అన్నట్లు ద్రావిడవాదం (తమిళ్ పైత్యం) వంట పట్టించుకున్నారు వీరు.. హిందీ, సంస్కృత భాషలు అంటే ద్వేషం.. మరి 'కరుణానిధి' అనే అందమైన పేరు ఏ భాషదో?..
ఇంతకీ కరుణానిధి కుటుంబం అవలంభిస్తున్నది ద్రవిడవాదమా?, నాస్తికవాదమా?.. నాకు తెలిసి పచ్చి అవకాశవాదం..

(12.01.2018)

యువతకు స్వామీజీ సందేశం

ఆయన జీవించింది కేవలం 39 ఏళ్లు మాత్రమే.. కానీ భారత జాతికి శాశ్వత మార్గదర్శిగా నిలిచారు.. దేశ ప్రజలకు, ముఖ్యంగా యువతలో స్పూర్తిని నింపే సందేశాన్ని ఆయన కొద్ది సంవత్సరాల జీవిత కాలంలోనే ఇచ్చారు.. అత్యంత ప్రాచీన సాంస్కృతిక ఆధ్యాత్మిక వైభవం ఉన్న భారత దేశం విశ్వగురువు అని ప్రపంచానికి చాటి చెప్పారాయన.. ఆ మహనీయుడే స్వామి వివేకానంద..
ఆంగ్ల కాలమానం ప్రకారం జనవరి 12వ తేదీ స్వామీజీ జన్మదినం.. ఈ శుభ సందర్భంలో వారి సందేశాన్ని సంక్షిప్తంగా గుర్తు చేసుకుందాం..

‘లేవండి, మేల్కొనండి, గమ్యం చేరే వరకూ విశ్రమించకండి.. లేవండి! మేల్కొనండి!.. మిమ్మల్ని మీరు మేల్కొల్పుకొని ఇతరులను మేల్కొల్పండి! ఇకపై నిద్రించకండి!.. మీరు మరణించే లోపే జీవిత పరమావిధిని సాధించండి..
లేవండి!మేల్కొనండి!.. గమ్యం చేరేవరకూ ఎక్కడా నిలవకండి.. ఎప్పటికీ జాగృతంగానే ఉండండి.. బలమే జీవితం, బలహీనతే మరణం.. ఇనుప కండరాలు, ఉక్కు నరాలు, వజ్ర సంకల్ప మనసున్న యువత ఈ దేశానికి కావాలి..’
‘ఆధునిక యువతపైనే నాకు విశ్వాసం ఉంది.. నేను నిర్మించిన ఆదర్శాన్ని దేశ మంతా వ్యాప్తి చేసేది యువతే.. యువత ముందు బలిష్టులు, జవ సంపన్నులు, ఆత్మ విశ్వాసుల, రుజువర్తనులు కావాలి.. ఇలాంటి వారు వంద మంది ఉన్నా చాలు,ఈ ప్రపంచాన్నే మార్చేయ వచ్చు..’
‘మీరంతా మహత్కార్యాలు సాధించడానికే జీవించామని విశ్వసించండి.. బలం, శక్తి మీలోనే ఉన్నాయని గుర్తుంచుకోండి.. ఎంతో విశ్వాసంతో లేచి నిలబడండి.. ధైర్యంగా బాధ్యతను మీ భుజ స్కంధాలపై వేసుకోండి.. భవిష్యత్తుకు మీరే బాధ్యులమని తెలుసుకోండి.. ఆరంభం అతి స్వల్పంగా ఉందని నిరాశపడకండి.. క్రమంగా ఘనమైన ఫలితాలు వస్తాయి.. సాహసంగా పని చేయండి..’
‘తమ సర్వస్వాన్ని త్యాగం చేసి, దేశం కోసం తమ జీవితాలను ఆహుతి చేసే యువత మనకు కొందరు కావాలి.. దేశ ప్రజలను ఉద్దరించే ఏకైక లక్ష్యంతో పని చేసే యవతను గుర్తించి పని చేయాలి.. త్యాగం,ఉత్సాహాలతో వారిని జాగృతం చేసి ఐక్యం చేయాలి.. మన స్థితికి మనమే బాధ్యులం.. లక్ష్యాన్ని సాధించే శక్తి, ఆపై శక్తి మనకే ఉంది..’
‘విజయాన్ని సాధించడానికి కావలసినవి మూడు. అవి.. పవిత్ర, సహనం, పట్టుదల. వీటన్నింటినీ మించి కావలసింది ప్రేమ.. మీరు నిజంగా నా బిడ్డలే అయితే దేనికీ భయపడరు.. ఎక్కడా ఆగిపోరు.. మీరు సింహాల్లా ఉండాలి.. మన భారత దేశాన్నే కాక,ప్రపంచాన్నే జాగృతం చేయాల్సి ఉంది. ఉద్యమ నిర్వహణలో అవసరమైతే అగ్నిలో దూకడానికైనా సంసిద్ధంగా ఉండాలి..’
భారత దేశం ఎదుర్కొంటున్న సమస్యలకు పరిష్కారం జాతి పునర్ నిర్మాణమే మార్గమని సూచించారు స్వామీ వివేకానంద.. ధర్మాన్ని పాటించమన్నారు.. స్వధర్మం తల్లివంటిదని, పర ధర్మం సవతి వంటిదని అన్నారు.. ఏ విధంగా చూసినా హిందుత్వమే అన్ని ధర్మాలకన్నా గొప్పదని చికాగోలో జరిగిన ప్రపంచ మతాల సదస్సులో చాటి చెప్పారు వివేకానంద.. ప్రపంచానికి భారత దేశం ఆధ్యాత్మిక నాయకత్వం వహించాలన్నారు..
నేడు వ్యక్తిత్వ వికాసానికి సంబంధించిన పుస్తకాలు మర్కెట్లో కుప్పలు తెప్పలుగా దొరుకుతున్నాయి.. కానీ స్థూలంగా పరిశీలించి చూడండి.. ఎందరు ఎన్ని విధాలుగా చెప్పినా సారాంశం ఒకటే.. కానీ వందేళ్ల క్రితమే వ్యక్తి నిర్మాణం గురుంచి స్వామీజీ చక్కని బోధనలు చేశారు.. ఆయన బోధనలు చదివితే చాలు,మరే వ్యక్తిత్వ వికాస పుస్తకాలు చదవాల్సిన అవసరం లేదు.. యువతకు ఆశాజ్యోతి, మార్గదర్శి అయిన స్వామీ వివేకాంద జయంతిని జాతీయ యువజన దినోత్సవంగా జరుపుకుంటున్నారు..
స్వామీ వివేకానందను గుర్తు తెచ్చుకుందాం.. ఆయన చూపిన మార్గాన్ని అనుసరిద్దాం.. ఈ దేశాన్ని పునర్నిర్మిద్దాం..

(12.01.2018)

వీటిని బ్యాన్ చేయగలరా?

'జల్లికట్టు నిషేధం..'
'ఓకే సర్..'
'కోడి పందాలు కూడా వద్దు..'
'సరే సరే..'
'జాతరల్లో జంతు బలుల నిషేధం..'
'ఎందుకు సర్?'
'ఇవన్నీ జీవ హింసయ్యా!.. ఆ మాత్రం తెలీదూ బుద్ధూ..'
'అయితే ఓ పని చేద్దాం సర్.. అన్ని మతాల్లో జీవ హింసకు కారణం అవుతున్న జంతు బలులను నిషేదిద్దామా?..'
'ఓరి మతోన్మాదీ.. ఇదేం ఫిట్టింగ్ రా..'
...బతికింది గొర్రె.. సెక్యులరిజం జిందాబాద్!..
(11.01.2018)

పంచ్ పంచ్..

31.01.2018
సంపూర్ణ'చంద్ర'గ్రహణమా?.. 2014లో పట్టిన గ్రహణమే ఇంకా వీడలేదు కదా?

3101.2018
ఇంటి దొంగలు అంతర్గత శత్రువులు చాలా ప్రమాదకరం

29.01.2018
ఛాయ్, సమోసాలు అమ్మేవాళ్లంటే
చిన్న చూపు ఎందుకు వంకరయ్యర్, చీడ అంబరం?

27.01.2018
*సక్సెస్ మంత్ర*
1.సినిమా తీయి
2.పుకార్లు లేపు
3. లొల్లి చేయించు
4.రిటర్న్స్ గ్యారంటీ

26.01.2018
సెన్సార్ కట్స్ పడి స్కెలిటన్ అయ్యింది పద్మావత్..
సెన్సార్ భయంతో ముందే youtubeలో దూరింది GST

25.01.2018
మహోన్నత దర్శకుడు దిగజారిపోయాడు..
నీలి చిత్రం తీసి ప్రజల బలహీనతలను సొమ్ము చేసుకునే స్థాయికి..
ఇంతకీ ఆయన కుటుంబం దీన్ని చూస్తుందా?

23.01.2018
అక్కడా ఉంటా ఇక్కడా ఉంటా అంటే కుదరదు..
ఎక్కడో ఒక దగ్గరే ఉండాలి.. లేకుంటే అక్కడా ఇక్కడా లేకుండా పోతాం..

21.01.2018
'పద్మావత్' ముద్దు.. 'GST' వద్దు అట..
భావ ప్రకటన స్వేచ్ఛలో మీ ద్వంద్వ వైఖరి తగలడ
నేనైతే రెండూ వద్దంటున్నా..

20.01.2018
మేతావులతో మేవానీ భేటీ.. ఎందుకో

19.01.2018
🐺🦊🐺🦊
తో
తోడేళ్లు, గుంట నక్కల రహస్య భేటీ..
కలిసికట్టుగా పని చేయాలని తీర్మాణం
కొడుకో జరభద్రం..

17.01.2018
ఇంతకీ ఆ నలుగురు ఇప్పుడు మొహం ఎక్కడ పెట్టుకుంటారు?

16.01.2018
సొంతూరు పోవడం సంగతి సరే
సంక్రాంతి పండుగ ప్రారంభించి కూడా ఆయన గారేనా
జస్ట్ క్లారిటీ కోసం అంతే..

12.01.2018
నన్ను అడగకండి..
నేను సినీ క్రిటిక్ కాదు..
అజ్నాతవాసి, జైసింహ
సమీక్షలు కోరిన వారికి వివరణ అంతే

09.01.2018
హైందవ ధర్మ సంస్థ నేతృత్వానికి
అన్యమత విశ్వాసం అర్హతనా

08.01.2018
నిన్నెవడూ గుర్తిస్తలేడా?
facebook తెర్వు..
సెలబ్రిటీల మీద పడు..
ఇగ సూస్కో నీ ఫాలోయింగ్..

బీజేపీకి ఓటు పడితే..

కిమ్: నా టేబుల్ మీద న్యూక్లియర్ బటన్ ఉంది తెలుసా?
ట్రంప్: నా టేబుల్ మీద అంత కన్నా పెద్ద న్యూక్లియర్ బటన్ ఉంది..
పప్పు: ఆ బటన్ నొక్కకండి.. బీజేపీకి ఓటు పడుతుంది ఏమో?..   (07.01.2018)
(😀

యాజులు గార్కి అభినందనలు

ఆప్త మిత్రులు, నా పాత కొలీగ్ సీనియర్ జర్నలిస్ట్ చావలి నరసింహ సర్వతోముఖ యాజులు (యాజులు) తెలంగాణ మీడియా అకాడమి నుంచి అరుణ్ సాగర్ స్మారక పురస్కారం అందుకోవడం ఆనందాన్ని కలిగించింది.. వారికి నాఅభినందనలు.. 🌹🌻(03.01.2018)🌷

క్యాలండర్ మారిన వేళ..

పాతది పోయి కొత్తదొచ్చింది
ఏటా మారే క్యాలండరే కదా?
మరి ఎందుకింత హడావుడి?
సంబరాల సందర్భమిదేనా?
కాలమెప్పుడూ కరిగిపోయేదే
మార్పు క్యాలండర్లో కాదు
ఆలోచనలు, పనుల్లో రావాలి
అది మన చేతల్లోనే ఉంది
మంచిని పంచి బంధాన్ని పెంచు
అందరిలో వెలుగు రేఖలు నింపు
ఈ మార్పుతో ప్రారంభిద్దాం
మన కొత్త దినచర్యను.. ✒
----- మీ క్రాంతి దేవ్ మిత్ర 🙏🏽